حبيباتي و اخواتي الكرام جربنا وصفات كتير في التنزيل و لو حتى نزل وزننا شوية و يرجع تاني
و اخيرا لقيت الحل الجنزبيل
و مش اي جنزبيل الجنزبيل الاخضر و الله تحفة
تفطري و تتغدي و تتعشي و تاخدية يجنن فعلا
مثلا لو فطرتي تاخدي و را الفطار علطول قطعة جنزبيل خضرا تقشريها و تاكليها حتة كدة قد حجم المشمشة يعني مش صغيرة قوى و لا كبيرة قوي و طبعا تشربيلك بعديها كام كباية مايه علشان طعمه حراق شوية
و برضة بعد الغدا و العشا
انا بصراحة عملت رجيم لحد ما وصل وزني ل 65 و ثبت عند الحد ده و انا بعد كده مقدرتش على نفسي بدأت اكل بس باكل بشراهة بس بعد كل وجبة اخد الجنزبيل و كل ما كان الاكل دسم كبرت حتة الجنزبيل شوية و الحمد لله وزني لسة زي ما هوه
بس ناوية ابطل العشا او اخليه فاكهة بس علشان عاوزة انزل كمان شوية فطبعا هفطر و اتغدى و اخد الجنزبيل طبعا ورا الوجبة علطول و بعد كدة في العشا نخليها فاكهة بس يعني برتقالة او تفاحه بس و كمان هاخد وراها الجنزبيل وهتابع معاكوا النتايج
بس للامانة و بما اني صيدلانية اصلا عايزة اقولكوا على حاجة مهمة
اللي مستية حمل او عايزة تحمل قريب تنسي موضوع الجنزبيل ده علشان هوا بيساعد على سيولة الدم يعني مش هيثبت حمل ليها اما اللي لسة بدري عليها او مش بتفكر في الموضوع ده اصلا تاخد الجنزبيل و هيه مطمنة تماما لانة زي القرفة بالضبط امهاتنا كانت بتقولنا اوعي تاخدي القرفة و انتى حامل علشان مش بتثبت و بتخلينا ناخدها و احنى علينا الدورة الشهرية علشان بتساعد على طرد الدم و بتخفف التقلصات
نسيت اقولكم على حاجة كمان انا لما بتكون الوجبة دسمة قوي باخد بعديها كمان كباية ماية عليها معلقتين خل تفاح يعنى علشان هوه و الجنزبيل يساعدوا على الحرق السريع للاكل

# لقراءة المزيد من الموضوعات الجديدة #

خلطة فيتامين سي الفوار للتبييض و لتفتيح البشرة فى دقائق
 
تنحيف البطن بعد الولادة والحمل

- خلطة لتبيض الاسنان فى عشر دقايق وبس

pinksugartips.blogspot.com
# لكل البنات والستات لو عندك حكاية او تجربة مميزة فى حياتك او حتى عندك مشكلة مش عارفة تحليها وحابة تشاركيها معانا اكتبى اللى انتى عايزاه فى تعليق اسفل الموضوع واحنا وكل زوار موقع بينك شوجر الخليجى هنسمعك ونفكر معاكى ونساعدك تلاقى الحل بسرعة اكتبي و شاركينا مستنية ايه..

اكتب تعليق

أحدث أقدم